Die Verskil tussen Goeie en Slegte Skuld

7 Maart 2019

Die meeste van ons sal een of ander tyd skuld maak. Jy sal miskien skuld aangaan met ’n groot transaksie waarvoor jy nie die kontant het nie, soos ’n huis of motor. Of jy gebruik miskien daagliks jou kredietkaart om kos en ander verbruikersgoedere te koop.

Hoewel dit nooit wys is om skuld aan te gaan as jy nie die terugbetalings kan bekostig nie, kan sekere tipes skuld eintlik finansieel voordelig wees oor die lang termyn. As jy weer om ’n lening aansoek doen of ’n kredietfasiliteit gebruik, is dit die moeite werd om te weet of jy goeie of slegte skuld aangaan.